ການໃສ່ລະຫັດໃຫ້ແກ່ຟ໌າຍ Microsoft Office

1. ບັນຫາ
   – ໃນກໍລະນີທີ່ເຮົາບໍ່ຢາກໃຫ້ຄົນອື່ນເຂົ້າມາເປີດຟ໌າຍຂອງເຮົາ
   – ບໍ່ສະດວກທີ່ຈະໃຫ້ຄົນອື່ນມາແກ້ໄຂຂໍ້ມູນຕ່າງໆໃນຟ໌າຍ Microsoft Office ຂອງເຮົາໃນກໍລະນີທີ່ຄົນອື່ນກ໋ອບໄປ ຫຼືໃຊ້ຄອມພິວເຕີຮ່ວມກັນຫຼາຍເຄື່ອງ
2. ວິທີແກ້ໄຂ
   ໃນບົດຕົວຢ່າງນີ້ແມ່ນເຮັດໃນ Microsoft Word (Word ,Excel, PowerPoint ປະຕິບັດວິທີແບບດຽວກັນ)
   1) ເປີດຟ໌າຍທີ່ເຮົາຕ້ອງການຂຶ້ນມາ ແລ້ວເຂົ້າໄປ File

2) ເຂົ້າໄປຫາ Info ແລ້ວເລືອກຄຳສັ່ງ Protect Document

3) ຫຼັງຈາກເລືອກ Protect Document ໃຫ້ເລື່ອນຫາ Encrypt with Password

4) ໃຫ້ເຮົາໃສ່ລະຫັດໃນຊ່ອງ Password ແລ້ວກົດປຸ່ມ OK

5) ໃຫ້ພິມລະຫັດຕົວທີ່ເຮົາຕັ້ງໄປກ່ອນໜ້ານັ້ນຄືນອີກເທື່ອໜຶ່ງໃສ່ໃນຊ່ອງ Reenter Password ແລ້ວກົດ Ok

6) ຫຼັງຈາກທີ່ເຮົາໃສ່ລະຫັດໃຫ້ກັບຟ໌າຍຂໍ້ມູນເຮົາແລ້ວ ຈະສະແດງຂຶ້ນມາວ່າ A password is required to open this document

7) ທົດລອງເລືອກເປີດຟ໌າຍທີ່ເຮົາໄດ້ຕັ້ງລະຫັດໃວ້ນັ້ນ

8) ເວລາທີ່ເຮົາເປີດຟ໌າຍ ຈະມີໜ້າຕ່າງໃຫ້ໃສ່ລະຫັດສະແດງຂຶ້ນມາ

9) ພິມລະຫັດທີ່ເຮົາຕັ້ງໃວ້ນັ້ນໃຫ້ຖືກຕ້ອງ ແລ້ວກົດ Ok ກໍ່ສາມາດເປີດໃຊ້ງານໄດ້ເລີຍ

ຂຽງໂດຍ: ອຈ ນິດຕະພອນ ໄຊຍະເສນ
ສູນໄອຊີທີ ແພກແນກສຶກສາທິການ ແລະ ກິລາ ແຂວງບໍລິຄຳໄຊ